દોસ્ત
Tuesday, February 3, 2009
કોઇ કોઇ વખત તને ભૂલી જવાય છે,
દુનિયામાં કાંઇ પણ હવે માની શકાય છે.
*
આકાશના એ રંગ તને યાદ તો હશે,
રંગીન એટલું જ એ તારા વિનાય છે.
*
હું ચાલતો રહ્યો છું અને ચાલ્યો જાઉં છું,
જીવીજીવીને જાણે સમય થઇ જવાય છે.
*
અય દોસ્ત ગઇ નથી હજી ગુંજાશ સ્મિતની,
રોવાનાં કારણો તો મને પણ ઘણાંય છે.
*
અહીં 'હું જીવી રહ્યો છું' ના જાહેર ચોકમાં,
ક્યારેક 'તું નથી' ની હવા સંભળાય છે.
જવાહર બક્ષી
1 comments
Subscribe to:
Post Comments (Atom)
