હર હર ગંગે!
Sunday, February 1, 2009
જ્યારે તું છે મારા સંગે,
કેમ ના ફરું ના રંગે ચંગે?
*
હસ્તી પણ હસ્તી નહિ લાગે,
હોય ન સાથી જ્યારે સંગે.
*
પ્રાણ દ ઇને દીપક ઉપર,
રોશન કીધું નામ પતંગે!
*
એક છબી છે લીલા તારી,
બાકી બીજરેખાના વ્યંગે!
*
કેવી ઇન્દ્રધનુષ્ય બને છે,
પ્રેમના કેવળ એક જ રંગે!
*
નિરખું, કેવી ભાત બને છે,
સ્નેહસલિલના મસ્ત તરંગે!
*
દિલનો બ્રાહ્મણ, એ દેવીને-
જોઇને બોલ્યોઃ હર હર ગંગે!
*
સ્પર્શ થયો છે કોનો 'આસિમ'
ખુશ્બૂ મ્હેકે અંગે અંગે!
આસિમ રાંદેરી
0
comments
Subscribe to:
Post Comments (Atom)
