ખાટી રે આંબલીથી
Wednesday, December 17, 2008
ખાટી રે આંબલીથી કાયા મંજાણી,
એને તેજને કિનારે એણે આણી રે
પાંપણની પાંદડીના ઓરા તે અંતરાયે
પેલી બાજુનું કૈં ન જોયું,
*
નિજ સંગાથ જેનું મન ઘેલું મોહ્યલું,
રે પરની પ્રીત્યું ના એણે જાણી રે
પંડને પંપાળવામાં મોંઘેરાં ચીર કેરા
રંગ રે નિહાળ્યા ઓઘરાળા
*
એને અંજવાળવાને ઓછી રે તેજમાળા,
ઓછાં રે જાહ્નવીનાં પાણી રે
ખાટી રે આંબલીને ભીને તે સંગ
ઝાંખી કાયાનો કાટ લીધો માંજી,
*
તેજને અંજન એવું રૂપ લીધું આંજી,
રે ઝળહળ દુનિયા ઝિલાણી રે.......
રાજેન્દ્ર શાહ
0
comments
Subscribe to:
Post Comments (Atom)
