sabras

સબરસ આપ સર્વેને સતત નવું આપવા પ્રયત્નશીલ છે. બાળકોની ન્યારી દુનિયાની નિર્દોષ સફરે અમે આપને લઈ જઈએ છીએ આ બાળ ઈ- મેગેઝિન દ્વારા. આશા છે કે આપને આ મેગેઝિન ખુબ ગમે.

નીચે આપેલ લીંકને ક્લિક કરવાથી આપ મેગેઝિન ને pdf ફાઈલમાં વાંચી શક્શો.

આપ આને ડાઉનલોડ કરીને પ્રિંટ નિકાળી શકો છો .

સબરસ બાળ ઈ-મેગેઝિન

રાજ્યમાં વિધવા મહિલાઓને આર્થિક સહાય માટેની અનેક યોજનાઓ ઉપલબ્ધ છે. આ યોજનાઓ થકી તેમના જીવનમાં રાહત અને સુવિધા પ્રાપ્ત થતી હોય છે. અહીં આવી યોજનાઓની માહિતી પ્રસ્તુત છે.

પુન:સ્થાપના માટેની આર્થિક સહાય

(અ) લાભ કોને મળવાપાત્ર છે.

1, અરજદાર વિધવા મહિલાની ઉંમર 18 વર્ષથી 64 વર્ષ સુધીની હોવી જોઇએ.

2, 21 વર્ષ કે તેથી વધુ ઉંમરનો પુત્ર ન હોય.

3, અરજદારની વ્યક્તિગત વાર્ષિક આવક રૂ. 24,000 થી વધુ ન હોય, તેમજ કુટુંબની વાર્ષિક આવક રૂ. 45,000 થી વધુ ન હોવી જોઇએ.

4, 21 વર્ષ કે તેથી વધુ ઉંમરનો પુત્ર હોય જે અસ્થિર મગજનો હોય અથવા 75 % થી વધુ વિકલાંગતા ધરાવતો હોય અને બિનકમાઉ હોય તો.

5, ગુજરાત રાજ્યના વતની હોવા જોઇએ.

(બ) યોજના હેઠળ મળવાપાત્ર લાભ

1, આ યોજના હેઠળ લાભાર્થીને માસિક રૂ. 500 લેખે માસિક સહાય પોસ્ટ ઓફિસ બચત ખાતા મારફતે લાભાર્થી બચત ખાતામાં જમા કરાવવામાં આવે છે.

2, લાભાર્થી પર આધારિત બાળકોને (બે બાળકોની મર્યાદામાં) બાળકદીઠ માસિક રૂ. 80 લેખે દર માસે ચુકવવામાં આવે છે.

3, યોજના હેઠળની 18 થી 40 વર્ષની વયજૂથના લાભાર્થીઓને સ્વરોજગારની તાલીમ લેવી જરૂરી છે.

4, આ યોજના હેઠળના 18 થી 40 વર્ષની વયજૂથના લાભાર્થીઓને સ્વરોજગારની તાલીમ આપી નિયમ મુજબ સાધન સહાય ચુકવવામાં આવે છે અથવા તો રોજગારી માટે લોન નિયમ મુજબ માર્જીન મનીરૂપે આપી પુન:સ્થાપિત કરવામાં આવે છે.

5, 40 વર્ષથી વધુ અને 64 વર્ષની ઉંમર સુધીની વિધવાઓને યોજના હેઠળના અન્ય નિયમોનુસાર પાત્રતા ધરાવતા હોય તો 64 વર્ષ સુધીની ઉંમર પુરી થતા વૃદ્ધ પેન્શન માટે નવી અરજી કર્યા સિવાય, પાત્રતા ધરાવતા નિરાધાર વિધવા લાભાર્થીઓના કેસો જિલ્લા સમાજ સુરક્ષા અધિકારીશ્રી જરૂરી ભલામણ સાથે સંબંધિત પ્રાંત અધિકારીશ્રીને મોકલે છે. જ્યાં પુન:ચકાસણી સિવાય વૃદ્ધ પેન્શન મંજુર થાય છે.

6, તા. 01-04-2008 થી યોજનાના લાભાર્થીઓને રાજ્ય સરકારની જૂથ વીમા યોજના હેઠળ રૂ. 1,00,000 નું વીમા કવચ ઉપલબ્ધ કરવામાં આવે છે.

(ક) અરજી કરવાની સમય મર્યાદા-પતિના મૃત્યુ થયાની તારીખથી બે વર્ષમાં અરજી કરવાની રહેશે. પરંતુ ખાસ કિસ્સામાં કલેક્ટરશ્રી બે વર્ષ બાદ કરેલી અરજી મંજુર કરી શકે છે.

(ડ) અરજીપત્રક સાથે સામેલ કરવાની માહિતી.

1, અરજીપત્રક સંબંધિત પ્રાંત કચેરી/કલેક્ટર કચેરી/જિલ્લા સમાજ સુરક્ષા અધિકારી કચેરીએથી વિના મૂલ્યે મળે છે.

2, અરજીપત્રક સાથે પતિના મરણનો દાખલો.

3, આવકનો દાખલો.

4, જમીન ધરાવતા હોય તો 7/12 નો ઉતારો.

5, અરજદારના બાળકોની ઉંમરના પુરાવા/દાખલા.

6, અસ્થિર મગજ તેમજ વિકલાંગ બિનકમાઉ પુત્ર હોય તો તેનું મેડિકલ પ્રમાણપત્ર/ વિકલાંગ ઓળખકાર્ડની ઝેરોક્ષ નકલ.

7, અરજીપત્રક ભરી જિલ્લા પ્રાંત અધિકારીની કચેરીને રજુ કરવાનું રહેશે, જે પુરાવા ચકાસી યોગ્ય જણાયે સહાય મંજૂરી આદેશ કરશે.

તાલીમ દ્વારા પુન:સ્થાપન યોજના

(અ) યોજના હેતુ :

રાજ્ય સરકારના સમાજ સુરક્ષા ખાતા હસ્તકની નિરાધાર વિધવાઓના પુન:સ્થાપન માટે આર્થિક સહાય યોજના હેઠળના 18 થી 40 ની ઉંમરના લાભાર્થીને તાલિમ આપી પુન:સ્થાપન કરવામાં સઘન પ્રયત્નો રૂપે અમલી છે.

(બ) લાભ કોને મળી શકે ?

1, 18 થી 40 વર્ષની ઉંમરના લાભાર્થીઓને યોજનાનો લાભ મળી શકશે.

2, નિરાધાર વિધવા સહાય યોજના હેઠળ સહાય મેળવતા હોવા જોઇએ.

3, ટૂંકાગાળાના સ્વરોજગારલક્ષી તાલીમ ટ્રેડ સફળતાપૂર્વક પૂર્ણ કરવાનો રહેશે.

4, સફળતાપૂર્વક તાલીમપૂર્ણ કરતા માનવ ગરિમા યોજનાના ધોરણે નિયમ મુજબ સઘન સહાય અથવા સ્વરોજગારી લોન માટે તેટલી જ રકમની માર્જીન મની આપવામાં આવશે.

5, સ્વરોજગારી માટે સાધન સહાય અથવા માર્જીન મની ઉપરાંતની ખૂટતી રકમ તાલીમ સંસ્થા મારફત બેંક લીકેજ દ્વારા પોરી પાડવામાં સઘન પ્રયત્નો કરવામાં આવશે.

રાજ્યમાં શહેરી અને ગ્રામ્ય વિસ્તારોમાં વસતા 18 થી 60 વર્ષ સુધીના વિકલાંગ વિધવા બહેનો માટેની જુદી-જુદી આવાસ યોજનાઓમાં આવાસ યુનિટ દીઠ હાલની રૂ. 40,000 ની મકાન બાંધકામ સહાય વધારીને રૂ. 54,500 કરવાનો ઉદાત્ત નિર્ણય લેવાયો છે. રાજ્ય સરકારના સામાજિક ન્યાય અને અનુસૂચિત જાતિ વિભાગ દ્વારા રાજ્યની વિકલાંગ વિધવા મહિલાઓ માટે આવાસ સહાય યોજના અન્વયે શહેરી/ગ્રામ્ય વિસ્તારમાં વિકલાંગ વિધવા બહેનો (40 ટકાથી કે તેથી વધુ વિકલાંગતા) 18 થી 60 વર્ષ સુધીની હોય તેઓને રૂ. 40,000 ની મર્યાદામાં મકાન બાંધકામ સહાય આપવામાં આવે છે. રાજ્યની જુદી જુદી 10 આવાસ યોજનાઓમાં યુનિટ કોસ્ટ એક સરખી રૂ. 54,500 રાખવા પંચાયત વિભાગે કરેલા ઠરાવ અનુસાર રાજ્ય સરકારે એવો નિર્ણય કરેલ છે કે વિકલાંગ વિધવા બહેનોને પણ મકાન બાંધકામ સહાય રૂ. 40,000 થી વધારી રૂ. 54,500 મળવા પાત્ર થશે.

દરેકેદરેક વ્યક્તિને જિંદગીમાં ઘણી વખત એક સહાનુભૂતિભર્યા સાથ અને લાગણીભર્યા હૃદયની જરૂર પડતી હોય છે, જે તેને સમજી શકે.

"આપણા ગણવાથી કે ન ગણવાથી પરિસ્થિતિ બદલાઈ નથી જતી, માટે હકીકતનો સ્વીકાર કરતાં શીખવું."

આપણું પદ કે પ્રતિષ્ઠા ગમે તેટલા ગંભીર રહેવાનું શિખવાડે પણ આપણી પાસે એવા બેચાર મિત્રો તો હોવા જ જોઈએ કે જેમની સાથે ટોળાટપ્પાં કરી શકાય, ઠઠ્ઠામશ્કરી કરી શકાય.

"ટૂંકા રસ્તા કદી લાંબા હોતા નથી અને સફળતાનો કોઈ શોર્ટકટ હોતો નથી."

"ફક્ત તમારા કામને પ્રેમ કરો, કંપનીને નહીં. (કારણ કે) કંપની ક્યારે તમને પ્રેમ કરવાનું છોડી દેશે એનો કોઈ ભરોસો નથી."

"લોકો માટે તમે ત્યાં સુધી જ સારા છો, જ્યાં સુધી તમે તેમની અપેક્ષા પૂરી કરશો. એ જ રીતે લોકો તમારા માટે ત્યાં સુધી જ સારા છે, જ્યાં સુધી તમે તેમની પાસે કોઈ અપેક્ષા ન રાખો."

ઝરમર ઝરમર વરસાદ વરસી રહ્યો છે .. મોર વર્ષારાણીને ધોધમાર વરસવાનું કહેતો હોય તેમ દૂર દૂર થી તેના ટહુકા સંભળાઈ રહ્યા છે. ..પણ આવા વરસાદ ના વાતાવરણ માં કોઈ ગમગીન ચહેરા સાથે જોવા મળે તો કેવું લાગે ???????

મુંબઈની સડક પરના ટ્રાફિકજામની જેમ જ તે મગજમાં ચાલતા વિચારોમાંથી બહાર કેમ કરીને નિકળાશે તેની દ્વિધામાં રહી.

તેની જાણ બહાર નજીકની કોલોનીના એક બહેન તેને રસ્તાની સાઈડમાં મુકેલી કચરાપેટીની આસપાસ ચકકર ફરતા જોઈ રહ્યા હતાં. તેઓ વિચારી રહ્યા કે આવા ઝરમર વરસાદના વાતાવરણમાં કોઈપણ બહાર મઝા જ કરવા નીકળે ને? , પણ ના આ બહેન તો ????????

વહેલી સવાર થી આ બહેન બે વાર તો અહીં આંટા મારવા આવી ગયા ..કૈક જોઈને તરત ચાલ્યા જાય છે. ..ખબર નથી પડતી, શું કામ હશે તેમને ??

હવે તો જાણે વરસાદ પણ ઝરમર ઝરમર વરસીને થાકી ગયો હોય એવું લાગે છે, માટે તો તે હવે મન મૂકીને વરસવા લાગ્યો છે .અને પાછા પેલા બહેન આવ્યા, પણ તે આવા ધોધમાર વરસાદ માં, આવા સ્થળે ,,, કચરા પેટી પાસે પાછા કેમ આવ્યા હશે? ?તે જોઈ રહી........

બહેન ત્યાં તે કચરાપેટીની નજીક ગયા ને પાછા વળ્યા, ત્યાં તો .......................................................તેને અવાજ આવે છે જાણે કોઈ તેને કંઈક કહી રહ્યું છે , " ઓ ! મમ્મી તું આવી ગઈ ? ક્યાં જતી રહી હતી મને મૂકી ને ? "

બહેન પાછું ફરીને જુએ છે તો એક નાની ૭ કે ૮ વર્ષ ની બાળકી તેને જ બોલાવતી હતી ....

બહેન તેનાથી થોડા દુર ખસે છે ..ને કહે છે , "એ ય હું તારી મમ્મી નથી ,,દુર જા અહી થી .........."

પેલી નાની બાળકી તો રડતી જ હોય છે અને લાગતું હતું કે તેની સાથે સાથે આ નભ પણ રડતું હોય તેમ ધોધમાર પાણી વરસાવી રહ્યું હતું.

તે જાણે ઉપરથી બધું જોતા જોતા દુ:ખી થઇને રડતો હોય તેવું લાગે છે પણ મને તે નથી સમજાતું કે દુ:ખી કોણ છે ? હું ? નભ કે પેલી રડતી છોકરી ?

"એ મમ્મી,, કેમ બોલતી નથી? તું આવી ગઈ ને ? મને અહી મૂકીને તું ક્યાં જતી રહી હતી ? "

"અરે,,, કેટલી વાર તને કહેવું કે હું તારી મમ્મી નથી, નથી, નથી... ને આવા વરસાદ માં તું કેમ બહાર છે ?? ઘરે જતી રહે ..."

"ક્યાં જાઉ મમ્મી ? તું જ મને અહી મૂકીને ગઈ હતી , હું નાની હતી ને ત્યારે!'

અચાનક ગગન ગરજી ઉઠ્યું ,,જાણે કે તેને નાનો એટેક ના આવ્યો હોય !

"અરે , હું તારી મમ્મી નથી "

"કેમ ભૂલી ગઈ? તું જ મને અહીં આવા જ વરસતા વરસાદમાં મૂકી ગઈ હતી . મમ્મી ,તને જરાય મારી ચિંતા ના થઇ ?

મને યાદ નથી આવતું પણ હું ખૂબ જ નાની હતી , અરે મારો જન્મ થયા ને થોડાક જ કલાકો થયા હશે , હું ખૂબજ રડતી હતી તો પણ મમ્મી , તું મને અહી મૂકીને જતી રહી હતી ? "

"બેટા , હું તારી મમ્મી નથી , ચાલ તને તારા ઘરે મૂકી જાઉ.."

"તો મમ્મી , અહી કેમ મૂકી ગઈ હતી ? તને ત્યારે કોઈજ ચિંતા ના થઇ મારી ..તને એમ પણ ના થયું કે હું આટલી નાની આ કચરાપેટી માં શું કરીશ ? મારું શું થશે "

"ના ......................

ત્યાં તો પેલા બહેન કચરો ફેંકવા આવ્યા ..ને કહેવા લાગ્યા

"અરે ઓ બેન , આવા વરસાદ માં અહીંજ ભીંજાવું તમને ગમે છે ?

" "ના બેન ના ,આ તો અહીં એક નાની છોકરી ઉભી ઉભી રડતી હતી માટે ..........."

કચરો નાખીને પેલા બહેન જતા જતા બોલે છે , પાગલ લાગે છે , અહીંતો ક્યાંય કોઈજ બાળકી છે જ નહી..........

પેલા ઉભા રહેલા બહેન તો ભીંજાઈ ગયા હોય છે ,,, જુએ છે તો કોઈ જ નથી હોતું !

ચોતરફ જુએ છે , ક્યાંય કોઈ દેખાતું નથી. બહેનનું મગજ તો જાણે ચકરાવા લેવા લાગ્યું.......................

પણ હા ! તરત જ મનમાં વીજળીનો ચમકારો થાય છે.....................

આજે મને પેલી છોકરીએ મારી પોતાનીજ એક દિવસની બાળકીને અહીં તરછોડતા બચાવી ,,,પાપ કરતા અટકાવી ..કદાચ તે મારી જેમ કોઈ માઁ વડે જ ત્યજાયેલી બાળકી હોવી જોઈએ ??

મિત્રો, અમે આજે સબરસ ના પ્રથમ ઈ-મેગેઝીન મૂકી રહ્યા છીએ. આપ આપની કોમેન્ટ આપશો.

http://www.sabrasgujarati.com/2425/

૧૨ મી ડિસેમ્બર – સબરસગુજરાતીની પ્રથમ વર્ષગાંઠ છે અને તેની ખુશાલીમાં સબરસગુજરાતી જાહેર કરે છે સબરસ પદ્ય હરિફાઈ.

જીત પર હસતો રહ્યો ને હાર પર હસતો રહ્યો,

ફૂલની શૈયા ગણી અંગાર પર હસતો રહ્યો. .....જમિયત પંડ્યા

માત્ર આંસુઓ જ જોયાં છે તમે,

આંખ એની વાંચવાજેવી હતી. ...........નિનાદ અધ્યારુ

હારને માનવી કબૂલ નથી,

એટલે ઇંતેજાર રાખું છું....... કીર્તિકાંત પુરોહિત

તાજા કલમમાં એ જ કે તારા ગયા પછી,

બનતો નથી આ શહેરમાં એકે બનાવ દોસ્ત.... મુકુલ ચોક્સી

લેવા ગયો જો પ્રેમ તો વહેવાર પણ ગયો,

દર્શનની ઝંખના હતી અણસાર પણ ગયો.... મરીઝ

અમે અમારી ગુજરાતી સાઇટ ચાલુ કરી હોવાથી અમે અમારો આ બ્લોગ ટુંક સમય માં બંધ કરી રહ્યા છીએ. આપે આપેલા સહકાર, સુચન બદલ અમે આપના આભારી છીએ. આવો જ સાથ અને સહકાર અમને અમારી ગુજરાતી સાઇટ સબરસગુજરાતી ને આપશો એવી આશા સાથે...... બ્લોગ થકી કોઇ પણ રચયીતા ને અન્યાય કે તેમના હક નો જાણતા કે અજાણતા ભંગ થયો હોય ત્યાં અમે આપની ક્ષમા પ્રાર્થી છીએ.

આભાર સહ

અશોક કૈલા