હૈયા ના હેત – જાગૃતિ કુબાવત
Monday, December 5, 2011
અમીભર્યા પ્યાલા પીવાય નહી,
દુ:ખ તારી જુદાઈનું હવે જીરવાય નહી,
ભલે જળ મળે અમૃત લેવાય નહી,
રહે પાસ જુદાઈ હવે સહેવાય નહી.
એક બે ચાર તારા ગણું આકાશમાં,
મારા ચાંદ વિના હવે સુવાય નહી,
પ્રીત કીધી છે પ્રીતમ હવે ભવોભવની,
એ ખુશનુમાં સાંજ હવે કદી ભુલાય નહી.
તને હવે કોન પોકાર પાડે સાજન
આંખમાંથી આંસુ હવે સુકાય નહી,
કેવા કોલ દીધા તે છે ઉમંગના
હેત પ્રીતની હવે આ નાજુક ઘડી ભુલાય નહી.
માળી ચમન ઉજાડે ત્યારે એ ઝખ્મ જીરવાય નહી,
લાગે કારમો ઘા આ દિલમાં કદી ભુલાય નહી,
ભલે ભૂલી ગયાં આપ મને આત્મા મારો માનતો નથી,
જ્યાં ભાગ્ય મારું રૂઠ્યું દોષ તમને દેવાય નહી.
0
comments
Subscribe to:
Post Comments (Atom)