જોઇએ છે......
Tuesday, December 1, 2009
ભવોભવના ફેરામાંથી મુક્તિ આપે
એવા પ્રભુની જરૂર નથી !
જોઇએ છે એક એવો પ્રભુ
જે
રેલવેના ટાઇમ ટેબલમાંથી મુક્તિ અપાવે,
ટ્રાફિકના સિગ્નલ પર દોડતી રક્તની ગતિને
અંકુશમાં રાખે,
જમ્બો જેટમાં
સમયને ઘસડાઈ જતો અટકાવે,
રેડિયો અને ટેલિવિઝનમાં મોકળાશ શોધતી
શૂન્યતાને ઠપકારે,
સવારે
સત્યનો વાઘો પહેરીને
આવતા સમાચારોથી અળગો રાખે,
અને જાહેર ખબરોમાં
મને સસ્તે મૂલે વેચાઇ જતો રોકે.
જોઇએ છે
એક એવો પ્રભુ......
વિપિન પરીખ
1 comments
Subscribe to:
Post Comments (Atom)