કોના વતી?
Tuesday, October 27, 2009
ટેરવાં તો એ જ છે, પણ ક્યાં મતિ હાજર થતી?
ફૂલ ને સ્પર્શી રહ્યો આમ હું કોના વતી?
.
કેટલી અનુભૂતિઓ થીજી ગઈ નખશીખ ભીતર
પર્વતોની જેમ આ ટોચ લગ હંફાવતી!
.
પર્ણ જેવું કંઈ ઉપર, મૂળ જેવું ભૂમિએ
થડ નથી એ વાત પણ ક્યાં સમજમાં આવતી?
.
હોય નસનસમાં નદી દોડવાનું એ રીતે
આંબવાની છેવટે હોય ખુદ ની આકૃતિ
.
ગુંજ્યા કરવાની ઘડી પાસે આવી જોયું તો
એક સદી આઘે હતાં મારાથી ગંગાસતી
ફારુક શાહ
0
comments
Subscribe to:
Post Comments (Atom)